Хошин урлагийн хамтлагууд дундаа хамгийн шилдэг нь байж, үзэгчдэд үргэлж шинэ содон зүйлийг бэлэглэдэг "Х-Түц” продакшныхан сүүлийн үед нэлээд зав муутай байгаа аж. Учир нь монгол түмний уламжлалт баяр цагаан сар дөхөж буйтай холбоотой ард түмэнд баярынх нь өдөр инээд бэлэглэхээр бараг бүхий л телевизтэй хамтарч ажиллаж байгаа гэнэ. Мөн хамтлаг дотроо хамгийн их эрэлттэй байгаа нь Батаа бөгөөд тэрээр сүүлийн үед рекламны мангас хочтой болоод байгаа аж. Учир нь он гарсаар тэрээр 10 гаруй рекламанд тоглосон бөгөөд зогсоо зайгүй зурагтаар гарах болжээ. Тиймээс хамтлагийнхан нь түүнийг рекламны мангас хэмээн хочлоод байгаа гэнэ лээ.